लग्नाहून परतणाऱ्या वऱ्हाड्यांच्या गाडीला ट्रकने जोरदार धडक दिल्याने अपघात झाला. या भीषण अपघातात नववधू-नवरदेवासह  पाच जणांचा जागीच मृत्यू झाल्याची दुर्घटना घडली आहे. छत्तीसगडमधील जांजगीर-चांपा जिल्ह्यात हा अपघात घडला. रविवारी सकाळच्या सुमारास हा अपघात झाल्याची माहिती समोर आली आहे. गाडीला धडक मारून आरोपी ट्रकचालकाने पळ काढल्याची माहिती आहे. त्याचा पोलीस शोध घेत आहेत.

भरधाव ट्रकने दिली जोरदार धडक 

वऱ्हाडी मंडळीची कार लग्नाहून परतत असताना भरधाव ट्रकने जोरदार धडक दिली. ही गाडी रामगडहून अकलतराच्या दिशेने निघाली असताना हा अपघात घडला. नवरी आणि नवरदेवासह पाच जणांचा यामध्ये मृत्यू झाल्याने हळहळ व्यक्त होत आहे. पकरिया जंगल परिसरात ही दुर्घटना घडली. स्थानिकांनी पोलिसांना याबाबतची माहिती दिल्यानंतर पोलिस घटनास्थळी पोहचून तपास करत आहे.