हिंदी सिने जगतातून एक दुःखद बातमी समोर आली आहे. बॉलीवूडमधील प्रसिद्ध कलाकार ज्युनिअर मेहमूद यांचे निधन झाले आहे. गेल्या काही दिवसांपासून त्यांच्यावर रुग्णालयात उपचार सुरू होते.

 मेहमुद यांना कॅन्सर झाल्याचे डॉक्टरांनी सांगितले होते. अखेर त्यांची कॅन्सरशी झुंज अपयशी ठरली. वयाच्या ६७ व्या वर्षी त्यांनी अखेरचा श्वास घेतला. ज्युनिअर मेहमूद यांच्या निधनाने बॉलिवूडवर शोककळा पसरली आहे.