राज्याच्या हिवाळी अधिवेशनाला आजपासून सुरूवात होतेय. अधिवेशनाच्या पहिल्याच दिवशी राष्ट्रवादीच्या शरद पवार गटाला मोठा धक्का बसलाय. राष्ट्रवादीचे आमदार नवाब मलिक यांच्याकडून अद्याप कोणत्याच गटाला पाठिंबा देण्याबाबत निर्णय झाला नव्हता. मात्र अधिवेशनात त्यांनी सत्ताधाऱ्यांच्या बाकावर बसल्याने चर्चांना उधाण आले आहे. नवाब मलिक यांनी अखेर अजित पवार गटाला पाठिंबा दिल्याचे स्पष्ट झाले आहे.