नागपूर - ओबीसींच्या हक्काची भूमिका मांडत असताना मराठा-ओबीसी बांधवांमध्ये दरी पडणार नाही, याची काळजी घ्यायला हवी. मात्र छगन भुजबळ अतिशय टोकाची भूमिका मांडत आहेत. विष पेरणं सोपं आहे. मात्र ते जर प्राशन करून कुणाचा जीव गेला तर त्याला जबाबदार कोण? भुजबळांच्या टोकाच्या भूमिकांना समर्थन देण्याचं काही कारण नाही, अशी रोखठोक भूमिका घेत इथून पुढे भुजबळांच्या कोणत्याही मंचावर जाणार नाही, असे काँग्रेस नेते तथा राज्याचे विरोधी पक्षनेते विजय वडेट्टीवार यांनी स्पष्ट केले.