बीड - घाट चढत असतांना वळण रस्त्यावर अचानक पिकअप पलटी होवुन झालेल्या अपघातात ६० मजुर जखमी झाले. सदरील अपघात तालुक्यातील हिवरापहाडी परिसरात आज दुपारी झाला. या अपघातातील जखमींपैकी २० ते २५ जणांना जिल्हा रूग्णालयात उपचारासाठी आणले.

बीड तालुक्यातील हिवरापहाडी परिसरातील ६० मजुर पिकअपमधुन विडा ता.केज परिसरात जात होते. घाटातील वळणावर असलेल्या चढाला पिकअप पलटी झाल्याने या अपघातात कावेरी वाघमारे, छबुताई मोहरकर, सुमन कांबळे, उषा कांबळे, संभाजी कांबळे, शिवा बाबर, इंदुबाई शिंदे, गहिनीनाथ
कांबळे, सुंदर बाबर, महानंदा शिंदे, अशोक शिंदे, वैष्णवी मुळे, राजकन्या वाघमोडे, उत्रेश्वर शेळके, कृष्णा पवार, चंद्रकला शेगनार, दुर्गा हळकुंडे, श्रुती वाघमारे, साक्षी वाघमारे, अक्षय सोनवणे व इतर जखमींना जिल्हा रूग्णालयात आणण्यात आले.