बीड - तालुक्यातील उदंडवडगाव फाट्याजवळ रविवार (दि.२) रोजी रात्रीच्या सुमारास एसटी-पिकअपचा अपघात झाला असून यामध्ये दोघे ठार तर चोवीस जखमी झाले आहेत. या अपघातात ११ जखमी मुलांचा समावेश आहे.

परभणीहून बीडमार्गे काळुबाईच्या दर्शनाला पिकअपद्वारे जात असतांना पिकअपला एसटी बसने धडक दिली. या धडकेत पिकअपमधील रंगुबाई साहेबराव जाधव, मथुराबाई पांडुरंग गवाले (रा.परभणी) या दोन महिला ठार झाल्या. तर 24 जण जखमी झाले असून जखमींमध्ये 11 मुलांचा समावेश आहे.