बीड-येथील चऱ्हाटा फाट्यावर दोन गटात झालेल्या वादातून एकावर गोळी झाडण्यात आल्याची घटना काही वेळापूर्वी घडली आहे. या घटनेते एक जण जखमी झाल्याची माहिती मिळत आहे.

बीड शहरातील चऱ्हाटा फाट्यावर दोन गटात अज्ञात कारणावरून वाद झाले. या वादाचे रूपांतर हाणामारीत झाल्यानंतर आसाराम गायकवाड या व्यक्तीने एकावर गोळीबार केल्याची प्राथमिक माहिती आहे. सध्या पोलीस अधिक्षक, अप्पर पोलीस अधिक्षक,पोलीस उपाधीक्षक यांच्यासह शिवाजी नगर पोलिसांनी घटनास्थळी धाव घेतली आहे. या घटनेत एक जण जखमी झाला असून हवेत चार ते पाच गोळया देखील झाडण्यात आल्याची माहिती आहे. सध्या पोलीस याप्रकरणाचा पुढील तपास करीत आहेत.