बीड  - धनगरवाडी परिसरातील एक २६ वर्षीय तरुण काल बेपत्ता होता. अखेर आज सकाळी तो मृत अवस्थेत आढळून आल्याने खळबळ उडाली आहे. 
मयताच्या चेहर्‍यावर गंभीर स्वरुपाच्या जखमा असल्याने घातपाताचा संशय व्यक्त केला जात आहे. घटनास्थळी शिवाजी नगर पोलीस दाखल झाले होते. मृतदेह शवविच्छेदनासाठी जिल्हा रुग्णालयात आणण्यात आला होता. ही घटना शहरापासून जवळ असलेल्या धनगरवाडी परिसरात घडली. सदरील मयत तरुणाच्या पॅन्टवर काहीतरी लिहिलेले असल्याचे दिसून आले.

मयत तरुणाचे नाव शहाजी अशोक खेत्रे वय-26 वर्षे रा.उत्तम नगर धनगरवाडी असे आहे. हा तरुण बांधकाम मिस्त्री म्हणून काम करत होता. काल तो कामानिमित्त घराच्या बाहेर पडला होता. आज त्याचा उत्तम नगर येथील धनगरवाडी परिसरात एका झाडाखाली गमजाने फाशी घेतलेल्या अवस्थेत मृतदेह खाली पडलेला होता. चेहर्‍यावर गंभीर स्वरुपाच्या जखमा असल्याने हा घातापाताचा संशय आहे का? असा प्रश्न उपस्थित होत आहे. घटनेची माहिती मिळताच शिवाजी नगर पोलीस घटनास्थळी दाखल झाले. या प्रकरणाचा अधिक तपास सुरू आहे.