नेकनूर - शेतातील सततच्या नापिकीला आणि पिकाचे नुकसान झाल्याचे पाहुन एका शेतकऱ्याने इलेक्ट्रिक वायरच्या सहाय्याने गळफास घेऊन आत्महत्या केल्याची घटना बुधवारी (दि.२९) दुपारी नेकनूर येथे गडाळे वस्ती परिसरात घडली. बीड तालुक्यातील मोरगाव येथील असणारे व सध्या नेकनुर येथील गडाळे वस्तीवर राहत असलेल्या संगमराव आत्माराम जाधव या शेतकऱ्याने बुधवारी दुपारी १ वाजण्याच्या सुमारास वायरने गळफास घेऊन आत्महत्या केली. घटनेची माहिती कळताच नेकनूर पोलिसांनी भेट देऊन पाहणी केली. मृतदेह उत्तरीय तपासणीसाठी नेकनूर कुटीर रुग्णालयात पाठवण्यात आला.याप्रकरणाचा पुढील तपास श्री.पवार व श्री.क्षीरसागर करीत आहे.