परळी: परळी-सिरसाळा रस्त्यावर आज सकाळी ११ च्या सुमारास ब्रम्हवाडी शिवारात एका ॲटोला अज्ञात वाहनांने जोराची धडक दिल्याने झालेल्या अपघातात चौघे जखमी झाले असून एकाची प्रकृती चिंताजनक आहे.
मंगळवारी (दि.१) सकाळी ११ च्या सुमारास ब्रम्हवाडी येथुन ॲटो क्र.एम.एच.२३ टी.आर.३११ हा काही प्रवाशांना घेऊन परळीकडे निघाला असता टोकवाडी जवळ अज्ञात वाहनांने जोराची धडक दिली.यात शिवमुर्ती रोडे,वनुबाई माने,आशाबाई फड,सागरबाई फड जखमी झाले असून यातील शिवमुर्ती रोडे यांची प्रकृती चिंताजनक असल्याने त्यांच्यावर परळी उपजिल्हा रुग्णालयात उपचार करुन पुढील उपचारासाठी अंबाजोगाई येथे हलविण्यात आले.तर इतर जखमींवर परळी येथे खाजगी रुग्णालयात उपचार सुरु आहेत.
हेही वाचा
बातमी शेअर करा
