बीड : छत्रपती शाहू बँकेचे संस्थापक अध्यक्ष तथा उद्दोजक अर्जुनराव जाहेर (आप्पा) पाटील यांचं गुरुवारी (दि.26) पहाटे  हृदयविकाराच्या झटक्याने निधन झालं. मृत्यूसमयी ते 75 वर्षाचे होते.
                 गरीब कुटुंबात जन्म घेऊन आप्पा यांनी मोठे उद्दोगाचे जाळे निर्माण केले होते.  उद्योग, बँकिंग आणि शिक्षण क्षेत्रातही त्यांचे मोठे योगदान होते. शाहू विद्यालय, लक्ष्मणराव जाहेर विद्यालयात अनेक विद्यार्थी त्यांनी घडवले. बँकिंग क्षेत्रातही राज्याच्या कानाकोपऱ्यात त्यांनी जाळे निर्माण केले होते. राजर्षी शाहू बँक हि त्यांच्या जीवनकार्यातील  मैलाचा दगड ठरली.१९९५ साली त्यांच्या पुढाकारातून सुरू झालेल्या या बँकेच्या आज ४६  शाखा आहेत. आधुनिकता आणि पारदर्शकता यासाठी हि बँक प्रसिद्ध आहे. त्यांच्या कार्याची दाखल घेऊन बीड रोटरी क्लब आणि व्यापारी महासंघ या सारख्या अनेक संस्थांच्या वतीने त्यांना पुरस्काराने सन्मानित करण्यात आले.त्यांच्या निधनाने सर्वत्र हळहळ व्यक्त केली जात आहे. त्यांच्या पश्चात पत्नी,एक मुलगा एक  मुलगी, सून नातवंडे असा परिवार आहे.