वर्ध्यात सोमवारी रात्री एक भीषण अपघात झाला आहे. या अपघातात सात वैद्यकिय शिक्षण घेत असलेल्या विद्यार्थ्यांचा मृत्यू झाला आहे. मृतांमध्ये भाजप आमदार विजय रहांगडालेंच्या मुलगा आविष्कार रहांगडालेचा समावेश आहे. हा भीषण अपघात सेलसुरा पुलावर रात्री एक वाजेदरम्यान झाला. हे सातही विद्यार्थ्यी ढाब्यावर जेवन करुन घरी परतत असताना हा अपघात झाला आहे. चालकाचा कारवरील ताबा सुटल्याने कार सुमारे 40 फुल पुलाखाली पडली.

वर्ध्याचे एसपी प्रशांत होळकर यांनी सांगितले की, ही घटना सोमवारी रात्री उशिरा रात्री घडली आहे. घटनेची माहिती मिळताच पोलिस घटनास्थळी दाखल झाले. या अपघातात मृत्यू झालेल्या सर्वांचे वय 25 ते 35 या दरम्यान आहे. हे सर्व विद्यार्थी वर्धा जिल्ह्यातील सांगवी मेघे मेडिकल कॉलेजमध्ये शिकत होते.

अपघातातील मृत्यू झालेल्या विद्यार्थ्यांची नावे

आविष्कार रहांगडाले, आमदार विजय रहांगडाले यांचा मुलगा नीरज चौहान, प्रथमवर्ष एमबीबीएस

नितेश सिंग, 2015, इंटर्न एमबीएएस

विवेक नंदन 2018, एमबीएबीएस फायनल पार्ट1

प्रत्युश सिंग, 2017, एमबीबीएस फायनल पार्ट 2

शुभम जयस्वाल, 2017, एमबीबीएस फायनल पार्ट 2

पवन शक्ती, 2020 एमबीबीएस फायनल पार्ट 1