Mumbai Coronavirus Cases : मुंबईतील कोरोना (Corona) महामारीमुळे वाढणारे रुग्ण आज काही प्रमाणात कमी आढळले आहेत. मागील काही दिवसांच्या तुलनेतील ही रुग्णसंख्या दिलासादायक असल्याने नागरिक आणि पालिका प्रशासनाला दिला मिळाला आहे. मुंबईत मागील 24 तासांत 7 हजार 895 नवे कोरोना बाधित आढळले असून जवळपास याहून तीनपटीने अधिक म्हणजेच 21 हजार 25 रुग्णांनी कोरोनावर मात देखील केली आहे.  

आरोग्य मंत्रालयाने दिलेल्या आकडेवारीनुसार, मुंबईत रविवारी 7 हजार 895 नवे रुग्ण आढळले असून 11 जणांचा उपचारादरम्यान मृत्यू झाला आहे. ज्यामुळे कोरोनामुळे मृत्यू पावलेल्यांची संख्या 16 हजार 457 झाली आहे. तर 21 हजार 25 रुग्णांनी कोरोनावर मात केल्यामुळे आहे. त्यामुळे मुंबईचा रिकव्हरी रेट वाढून 92 टक्क्यांवर पोहचला आहे. 

मुंबईत नव्याने आढळलेल्या 7 हजार 895 रुग्णांपैकी 688 रुग्णत रुग्णालयात असून इतर घरुन उपचार घेत आहेत. ज्यामुळे पालिकेकडे 38 हजार 127 खाटांपैकी 5 हजार 722 खाटाच केवळ वापरल्या गेल्या आहेत. याशिवाय सद्यस्थितीला मुंबईतील 54 इमारती सील करण्यात आल्या आहेत. सध्या मुंबईत 60 हजार 371 सक्रीय रुग्ण आहेत. 

  मुंबईतील रुग्णसंख्या

24 डिसेंबर 683

25 डिसेंबर 757

26 डिसेंबर 922

27 डिसेंबर 809

28 डिसेंबर 1377

29 डिसेंबर 2510 

30 डिसेंबर 3671

1 जानेवारी 6347

2 जानेवारी 8063

3 जानेवारी 8082

4 जानेवारी 10860

5 जानेवारी 15166

6 जानेवारी 20181

7 जानेवारी 20971

8 जानेवारी 20,318

9 जानेवारी 19474

10 जानेवारी 13,648

11 जानेवारी 11,647

12 जानेवारी 16,420

13 जानेवारी 13, 702

14 जानेवारी 11, 317

15 जानेवारी 10, 661

16 जानेवारी 7, 895