महाराष्ट्र सरकारने महिला पोलिसांबाबत महत्त्वाचा असा निर्णय घेतला आहे. राज्यातील महिला पोलिसांची ड्युटी ही १२ तासांहून कमी करून ती ८ तास करण्यात येणार आहे. याची माहिती राज्याचे पोलिस महासंचालक संजय पांडे यांनी दिली. या निर्णयाचे कौतुक महिला पोलिसांकडून करण्यात येत आहे. खासदार सुप्रिया सुळे यांनीही ट्विटरवरून राज्य सरकारने घेतलेल्या या निर्णयाबद्दल आभार मानले आहेत.