अंबाजोगाई दि.३० (प्रतिनिधी): येथील स्वामी रामानंद तीर्थ शासकीय ग्रामीण रुग्णालया समोर लावलेली दुचाकी भरदिवसा अज्ञात चोरट्यांनी लंपास केल्याची घटना मंगळवार (दि.२५) रोजी घडली असून चोरट्यांविरोधात अंबाजोगाई शहर पोलीस ठाण्यात गुन्हा दाखल करण्यात आला आहे. 
     अंबाजोगाई येथील डॉ.निखिल सुनील फटाले (वय ३०) हे नेहमीप्रमाणे आपल्या ड्युटीला स्वामी रामानंद तीर्थ शासकीय ग्रामीण रुग्णालय येथे आल्यानंतर त्यांनी त्यांची दुचाकी क्रमांक (एम एच ४४ एफ ५८४७) हि बी बिल्डींगच्या समोर लावलेली असताना अज्ञात चोरट्यांनी लंपास केल्याची घटना मंगळवार (दि.२५) रोजी सकाळी ०९:३० ते ०५:३० च्या सुमारास भरदिवसा घडली असून एकूण ३०,००० हजारांचा ऐवज लंपास केल्या प्रकरणी अंबाजोगाई शहर पोलीस ठाण्यात शनिवार (दि.२९) रोजी गुन्हा दाखल करण्यात आला असून पुढील तपास पोलीस करत आहेत.