नवी दिल्ली, 2 फेब्रुवारी :  बोर्डाच्या दहावी आणि बारावीच्या परीक्षांचं वेळापत्रक बोर्डाने जाहीर केलं आहे. दहावीची परीक्षा 4 मेपासून सुरू होणार असल्याचं  सी. बी .एस.सीने आधीच जाहीर केलं आहे. आता या परीक्षेचं सविस्तर वेळापत्रक  जाहीर झालं आहे. सेंट्रल बोर्ड ऑफ सेकंडरी एज्युकेशन (CBSE) वेबसाईट cbse.gov.in आणि cbseacademic.nic.in या अधिकृत संकेतस्थळांवर हे वेळापत्रक अपडेट करण्यात येईल.

या वर्षी कोरोना व्हायरसच्या प्रादुर्भावामुळे परीक्षा लांबणीवर पडली होती. दरवर्षी मार्च महिन्यात होणाऱ्या दहावी-बारावीच्या या परीक्षा यंदा मे मध्ये घेण्यात येतील. 4 मे ते 10 जून या दरम्यान परीक्षा होणार आहेत.

या दोन्ही बोर्डाच्या परीक्षांचं टाइमटेबल मंगळवारी संध्याकाळी 5 वाजता जाहीर करण्यात येईल, अशी माहिती केंद्रीय शिक्षण मंत्री रमेश पोखरियाल निशांक यांनी दिली होती.