लग्नावरुन परतणाऱ्या कुटुंबाच्या कारला सांगलीमध्ये भीषण अपघात झाला. या अपघातात दोन महिलांसह एका पुरुषाचा मृत्यु झाल्यानं मोठी खळबळ उडाली आहे. अंकलीतील कृष्णा नदीच्या पुलावरून कार नदीपात्रात कोसळल्यानं हा अपघात झाला आहे. यात पती पत्नीसह एकाच कुटुंबातील तिघांचा मृत्यु झाला आहे. जखमी मध्ये एका ५ वर्षाच्या मुलाचा समावेश आहे.
मिळालेल्या माहितीनुसार कोल्हापूर येथून एक लग्न सोहळा आटोपून हे कुटुंबीय सांगलीकडे येत होते. कार रात्री एकच्या सुमारास कोल्हापूरवरून सांगलीकडे येताना अंकली पुलावर हा अपघात झाला. कार थेट नदीपात्रात कोसळली.अपघातातील मृत कुटुंबीय हे सांगलीतल्या कोल्हापूर रोडवरील गंगाधर कॉलनी येथील रहिवासी आहेत.गाडी अंकली पुलावरून सांगलीच्या दिशेने जात असतानाच अचानक गाडीवरील ताबा सुटला आणि गाडी थेट नदी पात्रात कोसळली. यामध्ये तिघांचा मृत्यु झाला तर अन्य तिघे जखमी आहेत.
मृतांमध्ये प्रसाद भलचांद्र खेडेकर (४०), प्रेरणा प्रसाद खेडेकर (३५), वैष्णवी संतोष नार्वेकर (२३) यांचा समावेश आहे . तर साक्षी संतोष नार्वेकर (४२), वरद संतोष नार्वेकर (२१) आणि समरजित प्रसाद खेडेकर (५) हे जखमी झाले आहेत.दरम्यान कराडमधील भीषण अपघातात एका महिलेचा मृत्यु जाला अज्ञात वाहनाची धडक होऊन झालेल्या अपघातात दुचाकीवरील महिलेचा जागीच मृत्यु झाला, तर दुचाकीस्वार जखमी झाला. पुणे –बंगळूर महामार्गावर कराड येथील पंकज हॉटेलसमोर बुधवारी सकाळी साडेदहा वाजण्याच्या सुमारास हा अपघात झाला.
