यंदाच्या मान्यूनने केरळमध्ये आगमन केल्यानंतर महाराष्ट्राकडे वाटचाल केली असून, राज्यातील काही भागात मान्सूनचा प्रवेश झाला आहे. दरम्यान सतर्क या हवामान विषयी माहिती देण्याऱ्या संस्थेने पुढील ३ तासांत विजांच्या कडकडाटासह काही जिल्ह्यांमध्ये जोरदार पावसाचा इशारा दिला आहे.

इशारा देण्यात आलेल्या जिल्ह्यांमध्ये लातूर, धाराशिव, नांदेड, परभणी, बीड, जालना, हिंगोली, छ. संभाजीनगर, वाशिम, अमरावती, अकोला, बुलढाणा, सोलापूर, सांगली, सातारा, पुणे, नगर, रत्नागिरी, सिंधुदुर्ग आणि रायगड यांचा समावेश आहे. मान्सूनने सोमवारी महाराष्ट्राची किनारपट्टी व्यापली.दरम्यान मान्सून प्रगतीची उत्तर सीमा महाराष्ट्रात डहाणू, नाशिक आणि छत्रपती संभाजीनगरमधून जात आहे.