इंग्लंडचा स्टार क्रिकेटपटू मोईन अलीने अशेसमध्ये खेळण्यासाठी कसोटी निवृत्तीनंतर परतण्याचा निर्णय घेतला आहे. हा स्टार अष्टपैलू खेळाडू ऑस्ट्रेलियाविरुद्धच्या अशेस मालिकेसाठी इंग्लंडमध्ये दाखल झाला आहे. फिरकी गोलंदाज जॅक लीचच्या जागी मोईन अलीला संघात संधी देण्यात आली आहे. जॅक लीच दुखापतीमुळे संघाबाहेर आहे. आयर्लंड क्रिकेट संघाविरुद्ध खेळल्या गेलेल्या एकमेव कसोटीदरम्यान तो जखमी झाला होता.

जॅक लीचच्या दुखापतीमुळे इंग्लंड क्रिकेट बोर्ड महेंद्रसिंग धोनीचा आवडता अष्टपैलू खेळाडू मोईन अलीला संघात सामील करू इच्छित आहे. त्यासाठी त्याच्याशी बोलणीही सुरू असल्याच्या बातम्या आल्या होत्या. मोईन अलीने कर्णधार बेन स्टोक्स आणि प्रशिक्षक ब्रेंडन मॅक्युलम यांच्याशी बोलून परतण्याचा निर्णय घेतला.

इंग्लंड क्रिकेट बोर्डाने अशेसच्या पहिल्या दोन कसोटी सामन्यांसाठी मोईन अलीचा संघात समावेश केला आहे. संघाचे व्यवस्थापकीय संचालक रॉब की म्हणाले, 'आम्ही या आठवड्यात मोईन अलीशी त्याच्या पुनरागमनाबद्दल बोललो. त्याने थोडा वेळ घेतला आणि मग निर्णय घेतला. मोईन पुन्हा कसोटी क्रिकेट खेळण्यासाठी खूप उत्सुक आहे. त्याचा अनुभव आणि अष्टपैलू प्रतिभा अशेस मालिकेत कामी येईल. आम्ही मोईनला शुभेच्छा देतो.

36 वर्षीय मोईन अलीने इंग्लंडकडून 64 कसोटी सामने खेळले आहेत, ज्यात त्याच्या नावावर 2,914 धावा आणि 195 विकेट आहेत. ऑस्ट्रेलियाविरुद्धच्या 11 कसोटी सामन्यांमध्ये या खेळाडूने 25.05 च्या सरासरीने 20 विकेट आणि 476 धावा केल्या आहेत. त्याने 2021 साली भारताविरुद्ध शेवटचा कसोटी सामना खेळला होता. मोईन अलीच्या आगमनाने इंग्लंडच्या फलंदाजीत आणखीनच भर पडेल.