वीज ग्राहकांना पुन्हा एकदा झटका बसणार आहे, वीज दरात वाढ होणार आहे. कोळसाच्या दरात वाढ करण्यात आल्याने याचा परिणाम थेट ग्राहकांवर होणार आहे. कोल इंडिया लिमिटेडने नॉन-कुकिंग कोळशाच्या किंमतीत ८ टक्क्यांनी वाढ केली. ही वाढ ३१ मे पासून लागू करण्यात येणार असल्याचे कंपनीने एका अहवालात सांगितले आहे. पाच वर्षातून पहिल्यांदा कोळशाच्या किंमतीत कोळशाच्या किंमतीत ही वाढ झाली. मागच्या वेळी २०१८ वर्षी कोळशाच्या किंमतीत वाढ झाली होती. 

किंमती वाढल्याने कंपनीला चालू आर्थिक वर्षात महसूल वाढण्यास मदत होईल. ही दरवाढ कोल इंडियाच्या सर्व उपकंपन्यांवर लागू होणार असल्याचे कंपनीने म्हटले आहे. कोल इंडिया ही देशातील सर्वात मोठी कोळसा खाणकाम करणारी कंपनी आहे. CIL ला FY2024 च्या उर्वरित कालावधीत २७०३ कोटी रुपयांचा महसूल मिळण्याची अपेक्षा आहे. 

कोल इंडिया लिमिटेडच्या बोर्डाची ३० मे रोजी बैठक झाली. या बैठकीत नॉन कुकिंग कोळशाच्या दरात वाढ करण्यास मान्यता देण्यात आली. उच्च दर्जाच्या कोळशाच्या किमतीत ही वाढ करण्यात आली आहे. G2 ते G10 दर्जाच्या उच्च दर्जाच्या कोळशाच्या सध्याच्या किमतीत ८ टक्के वाढ करण्यास मंडळाने मान्यता दिली. हे CIL च्या सर्व सहाय्यक कंपन्यांना लागू आहे ज्यात NEC चे नियमन आणि नियमन नसलेले क्षेत्र आहे.

बुधवारी सुरुवातीच्या व्यवहारात कोल इंडियाच्या शेअर्समध्ये घसरण दिसून आली. सुरुवातीच्या व्यवहारात शेअर १.८४ टक्क्यांनी किंवा ४.५० रुपयांनी २३९.८५ रुपयांवर व्यवहार करत होता. या समभागाचा ५२ आठवड्यांचा उच्चांक २६३.30 रुपये आहे. तर, ५२ आठवड्यांची नीचांकी पातळी १७४.६० रुपये आहे. कंपनीचे मार्केट कॅप १,४७,९६७.११ कोटी रुपये आहे.