केज : भरधाव वेगात असलेल्या टेम्पो आणि पिकअपच्या समोरासमोरील धडकेत दोघे वाहन चालक गंभीर जखमी झाले असून, पिकअपमधील एक बैल जागीर ठार झाला तर एक गंभीर जखमी झाल्याची माहिती समोर आली आहे. हा अपघात घटना केज अंबाजोगाई रस्त्यावरील कुंबेफळजवळ आज (दि.24) सायंकाळी 7 वाजता घडला.

प्रत्यक्षदर्शीच्या माहितीनुसार, केज- अंबाजोगाई रस्त्यावर कुंबेफळ शिवारात आयशर टेम्पो (क्र.एम.एच. 46- एफ 5205) आणि पिकअपची (क्रमांक समजू शकला नाही) समोरासमोर जोरदार धडक झाली. यात दोघे चालक गंभीर जखमी झाले आहेत. त्यांना रुग्णवाहिकेने केज उपजिल्हा रुग्णालयाकडे नेण्यात आले आहे. तर पिकअपमध्ये अडकलेले बैल स्थानिकांच्या मदतीने काढण्यात आले आहेत. सदरील पिकअप हा व्यापाऱ्याचा असण्याची शक्यता असून त्यात चार बैल होते. त्यापैकी एक ठार, एक जखमी तर दोन बैल किरकोळ जखमी आहेत. दोन्ही वाहनांचे चालक गंभीर जखमी झाले आहेत. एक वाहन चालक मृत असण्याची प्राथमिक माहिती समोर आली आहे..