कोरोनाच्या तिसऱ्या लाटेत आता ब्रेन स्ट्रोकचा मोठा धोका आहे. संसर्ग झाल्यानंतर मेंदूची कमकुवत रक्तवाहिनी फुटत आहे, त्यामुळे रुग्णांची प्रकृती बिघडत आहे. बिहारच्या रुग्णालयांमध्ये कोरोनामधून बरे झालेल्या लोकांमध्ये ब्रेन स्ट्रोकची धक्कादायक प्रकरणे समोर येत आहेत. पटनाच्या इंदिरा गांधी इन्स्टिट्यूट ऑफ मेडिकल सायन्सेसने कोरोना बाधित लोकांमध्ये ब्रेन स्ट्रोकच्या झपाट्याने वाढणाऱ्या घटनांचे वर्णन संशोधनाचा विषय म्हणून केले आहे. IGIMS मध्ये 15 दिवसात ब्रेन स्ट्रोक हे 42 पैकी 30 प्रकरणांमध्ये पोस्ट कोविडचे सूचक आहे.

कोरोनाच्या दुसऱ्या लाटेत ब्रेन स्ट्रोक झाला नाही
कोरोनाच्या दुसऱ्या लाटेत, पोस्ट कोविडमध्ये ब्रेन स्ट्रोकचे एकही प्रकरण नव्हते. कोरोनाच्या तिसर्‍या लाटेत, बिहारमध्ये ओमायक्रॉन व्हेरिएंटने जास्त संसर्ग झाला आहे, ज्यामध्ये आता ब्रेन स्ट्रोकची नवीन समस्या समोर येत आहे. पटनामध्ये ब्रेन स्ट्रोकच्या रुग्णांना बेड मिळणे कठीण झाले आहे. इंदिरा गांधी इन्स्टिटय़ूट ऑफ मेडिकल सायन्सेसमध्ये आजकाल ब्रेन स्ट्रोकच्या घटनांमुळे डॉक्टरही आश्चर्यचकित झाले आहेत. शनिवारी एकाच दिवशी ब्रेन स्ट्रोकची 8 नवीन प्रकरणे समोर आली आहेत, तर नुकतेच 35 रुग्ण दाखल झाले आहेत. 15 दिवसांत ब्रेन स्ट्रोकचे 42 हून अधिक रुग्ण दाखल झाले आहेत.

पोस्ट कोविडमध्ये ब्रेन स्ट्रोक संशोधनाचा विषय
IGIMS चे वैद्यकीय अधीक्षक मनीष मंडल सांगतात की, कोरोनाच्या तिसऱ्या लाटेत ज्या पद्धतीने कोरोना बाधितांमध्ये ब्रेन स्ट्रोकची प्रकरणे समोर येत आहेत, तो तपासाचा विषय आहे. 2021 मध्येही कोविड झाला होता, पण ब्रेन स्ट्रोकची अशी घटना समोर आली नव्हती. यावेळी 15 दिवसांत ब्रेन स्ट्रोकचे 42 रुग्ण आढळले आहेत. त्यापैकी 30 रुग्णांमध्ये कोरोनाचे दुष्परिणाम दिसून येत आहेत. उर्वरित 12 रुग्णांना कोरोना नाही, असे देखील होऊ शकते की त्यांना लक्षणे नसलेला कोरोना झालेला असेल. डॉ. मनीष मंडल सांगतात की, असे देखील होऊ शकते की, संक्रमणामुळे मेंदूच्या नसा कमजोर झाल्या असतील आणि नंतर त्या ब्लड प्रेशरमुळे फुटत असतील. अशी प्रकरणे संधोशनाचा विषय आहेत.

पटना AIIMS मध्येही वाढली प्रकरणे
पटनाच्या नरेश प्रसाद गुप्तांना देखील कोरोनानंतर ब्रेन स्ट्रेक झाला. शुक्रवारी त्यांचा मृत्यू झाला. पटना AIIMS चे कोरोना नोडल डॉ. संजीव कुमार म्हणतात की, ब्रेन स्ट्रोनेच नरेश यांचा मृत्यू झाला. तसेच कोरोनाचा संसर्ग देखील भारी पडला. डॉक्टर म्हणतात की, अशी प्रकरणे झपाट्याने वाढली आहेत. ब्रेन स्ट्रोकच्या रुग्णांना ICU ची गरज असते आणि प्रकरणे वाढल्याने रुग्णांमध्ये बेडचा तुटवडा निर्माण झाला आहे. ब्रेन स्ट्रोकमुळे त्रस्त असलेल्या रुग्णांची संख्या बिहारमध्ये जास्त आहे. डॉक्टर म्हणतात की, 40 प्लसच्या लोकांसाठी पोस्ट कोविड ब्रेन स्ट्रोकचा धोका घेऊन आला आहे.

का होतोय ब्रेन स्ट्रोक

कोरोना संक्रमणानंतर मेंदूच्या नसांवर मोठा प्रभाव पडत आहे.मेंदूच्या कमजोर नसा रक्तदाब वाढल्याने फाटत आहेत.वातावरण कधी खूप थंड होत आहेत तर कधी खूप उष्ण होत आहे, हे देखील एक कारण आहे.ब्लड प्रेशर आणि शुगरच्या मॉनिटरिंगमध्ये कमतरतेसह औषधीमध्ये निष्काळजीपणाचाहही धोका वाढत आहे.
कोरोना संक्रमणानंतर लोक निष्काळजीपणा करत आहेत ज्यामुळे धोका वाढत आहे.

तज्ञ काय म्हणतात?
पटनाच्या न्यूरो फिजिशियन समय न्यूरो हॉस्पिटलचे एमडी डॉ. अखिलेश कुमार सिंह म्हणतात की, कोरोनामुळे नसांशी संबंधित समस्या झपाट्याने वाढली आहे. संसर्गातून बरे झाल्यानंतरही रुग्णांना ब्रेन स्ट्रोकपासून ते नसांच्या इतर समस्यांचा सामना करावा लागत असल्याचे दिसून येते. अशा परिस्थितीत, कोरोनानंतरही लोकांना कोरोनाबद्दल जास्त जागरुक राहावे लागेल.खान-पानासह शुगर ब्लड प्रेशरची मॉनिटरिंग आणि एक्सरसाइजने कोरोनाचे साइड इफेक्ट कमी केले जाऊ शकतात. या थंडीच्या वातावरणात विशेष सावधगिरी बाळगली पाहिजे.