डी. डी. बनसोडे/केज

बीड जिल्ह्यात आज 1512  तर केज ने पार केले द्विशतक...!

बीड दि. 1-  आज जाहीर करण्यात आलेल्या 4599 कोरोना अहवालात जिल्ह्यात 1512 रुग्ण बाधित आढळून आले असून आज केज तालुक्यातील 216 रुग्णांचा समावेश आहे.

         जिल्ह्यात अंबाजोगाई 271, आष्टी 180 , बीड 277 , धारूर 67 ,  गेवराई 120 , केज 216, माजलगाव 32, परळी 141, पाटोदा 67, शिरूर 99, वडवणी 42 असे रुग्ण आढळून आले आहेत. 

             दरम्यान मागच्या पंधरा दिवसांपासून माजलगाव शहरात कोरोना नियम धाब्यावर बसवणाऱ्यांवर मुख्याधिकारी विशाल भोसले व तहसीलदार वैशाली पाटील यांनी चांगलीच शिस्त धरल्याने तिथे परिस्थिती नियंत्रणात येत असल्याचे दिसून येत आहे. मात्र केज तालुक्यात गर्दी वाढल्याने कोरोनाचा आकडा दिवसेंदिवस वाढत आहे. परंतु आज पासून तहसीलदार दुलाजी मेंडके यांच्या मार्गदर्शनाखाली चौका चौकात अँटीजन टेस्ट चा बडगा उगारल्याने आता तरी लोक नियम पाळतील अशी अपेक्षा आहे.