बीड दि.२३(प्रतिनिधी): तालुक्यातील नवगन राजुरी येथील बसस्थानक परिसरात गावठी कट्टा बाळगणाऱ्याला एका तरुणाला स्थानिक गुन्हे शाखेने बुधवार (दि.२३)रोजी जेरबंद केले.
अधिक माहितीनुसार नवगण राजुरी येथील बसस्थानकाच्या परिसरात असलेल्या टपरीमध्ये असलेल्या तरुणाकडे एक गावठी कट्टा आहे. अशी माहिती पोलिसांना मिळाल्यानंतर स्थानिक गुन्हे शाखेने कारवाई केली असता असता प्रदीप अशोक वखरे (वय २७) रा. माळी गल्ली,राजुरी नवगण असे या तरुणाचे नाव असून पोलिसांनी त्याची अंगझडती घेतली असता पॅन्ट्च्या आतमध्ये एक गावठी कट्टा मॅगझीनसह मिळून आला. सदरील गावठी कट्टा त्याला गणेश श्रीराम बहीर रा. राजुरी (न) ता.जि बीड यांने दिल्याचे सांगीतले. दोन्ही आरोपीविरुदध् ग्रामीण पोलीस ठाण्यात गुन्हा दाखल करण्यात आला असून ही कारवाई पोलिस अधीक्षक नवनित काँवत,अपर पोलीस अधीक्षक सचिन पांडकर, पोलीस निरीक्षक स्थानिक गुन्हे शाखा बीड यांच्या मार्गदर्शनाखाली पोलीस उपनिरीक्षक सुशांत सुतळे, पोलीस हवालदार मारुती कांबळे, विष्णु सानप, विकास राठोड, भागवत शेलार चालक अतुल हराळे यानी केली आहे.
