बीड दि.३(प्रतिनिधी):शहरातील (Beed)धानोरा रोड,पिगळे विद्यालया समोरून जात असताना महिलेच्या पर्समधून सोन्याचे दागिने (Crime)अज्ञात चोरटयांनी लंपास केल्याची घटना (दि.१) गुरुवार रोजी सकाळी सातच्या सुमारास घडली असून चोरटयांनी ९,३७,५०० रुपयांचा ऐवज लंपास केल्याप्रकरणी शिवाजीनगर (Shivajinagar police)पोलीस ठाण्यात गुन्हा दाखल करण्यात आला आहे.

         बीड जिल्ह्यात(Beed) चोरीच्या घटनेत दिवसेंदिवस वाढ होताना दिसत आहे.त्यातच शहरातील धानोरा रोड,पिगळे विद्यालया समोरून जात असताना दिपाली दिपक पवार (वय ३२) रा. मनीषा हौशींग सोसायटी साने चौक,चिखली (Crime)मोरे वस्ती ता.हवेली जि.पुणे यांच्या पर्समधून सोन्याचे दागिने अज्ञात चोरटयांनी लंपास केल्याची घटना घडली असून यामध्ये पावणे आठ तोळ्याचे गंठण अंदाजे किंमत ४,६५,००० रुपये,चार तोळ्याचा राणी हार अंदाजे किंमत २,७०,००० रुपये,दीड तोळ्याची अंगठी अंदाजे किंमत ९०,००० रुपये,पावणे आठ ग्रॅमची चैन अंदाजे किंमत ४६,५०० रुपये,११ ग्रॅमचे झुंबर अंदाजे किंमत ६६,००० रुपये असा एकूण  ९,३७,५०० रुपयांचा ऐवज लंपास केल्याप्रकरणी (Beed police)शिवाजीनगर पोलीस ठाण्यात गुन्हा दाखल करण्यात आला असून पुढील तपास पोलीस करत आहेत .