आष्टी दि.०८(प्रतिनिधी)-  शेतीच्या बांधावरून कुरापत काढत एका शेतकर्‍यास बेदम मारहाण केल्याची घटना आष्टी तालुक्यातील साकत येथे घडली. या प्रकरणी शेतकर्‍याच्या फिर्यादीवरून दहा जणांविरोधात अंभोरा पोलीस ठाण्यात गुन्हा दाखल करण्यात आला आहे.

  तालुक्यातील साकत येथील बाबासाहेब थोरात व दिनकर भोगाडे यांच्यात गेल्या काही दिवसांपासून शेतीच्या बांधावरून वाद सुरू आहे. बांधावरून जाण्याच्या कारणावरून बाबासाहेब थोरात यांना दहा जणांनी बेदम मारहाण केली. यात ते जखमी झाले. थोरात यांनी दिलेल्या फिर्यादीनुसार आरोपी दिनकर भोगाडे, वत्सलाबाई भोगाडे, सर्जेराव भोगाडे यांच्यासह दहा जणांविरोधात अंभारेा पोलीस ठाण्यात गुन्हा दाखल करण्यात आला आहे.