जयवंत काकडे असं या 93 वर्षीय आजोबांचं नाव असून त्यांना दोन आठवड्यांपूर्वी कोरोनाची लागण झाली होती. त्यांच्यावर कल्याण पूर्वेतल्या स्टारसिटी हॉस्पिटलमध्ये उपचार सुरु होते. प्रबळ इच्छाशक्तीच्या जोरावर त्यांनी उपचारांना साथ देत यशस्वीपणे कोरोनावर मात केली. बुधवारी रुग्णालयाचे डॉक्टर्स, कर्मचारी यांनी टाळ्यांच्या गजरात त्यांना निरोप दिला. यावेळी काकडे कुटुंबीयांचा आनंद गगनात मावेनासा झाला होता. आजोबा आणि त्यांच्या कुटुंबीयांनी डॉक्टरांचे आभार मानत रुग्णालयातून निरोप घेतला.