आष्टी दि.२२(प्रतिनिधी):तालुक्यातील(Ashti) धामणगाव शिवारात ट्रॅक्टरच्या साहाय्याने अवैध वाळूची वाहतूक होत असल्याची माहिती पोलिसांना मिळताच रविवार (दि . २१)रोजी कारवाई करत ६,१०,००० रुपयांचा मुद्देमाल जप्त करून ट्रॅक्टर चालकाविरुद्ध (Police)अंभोरा पोलीस ठाण्यात गुन्हा दाखल करण्यात आला. 

     बीड (Beed) जिल्हयात मागील काही दिवसांपासून अवैध वाळू वाहतुकीवर कारवाईचा सपाटा सुरु असून आष्टी तालुक्यातील धामणगाव शिवारातील महादेव मंदिराजवळ ट्रॅक्टरच्या साहाय्याने अवैध वाळूची वाहतूक करताना राजेंद्र भास्कर मुळीक (वय ३०) रा.घाटपिंप्री ता.आष्टी जि.बीड याच्यावर रविवार (दि.२१) रोजी ०५:०० वाजता कारवाई केली. यात विना नंबरचा सोनालीका  कंपनीचा ट्रॅक्टर व एक निळ्या रंगाची ट्रॉली त्यात एक ब्रास वाळू असा एकूण ६,१०,००० रुपयांचा मुद्देमाल जप्त केला असून पुढील तपास अंभोरा पोलीस करत आहेत.