बीड-शहरातील चऱ्हाट रोडवरील मोकळ्या मैदानात एका ३२ वर्षीय तरुणाचा डोक्यात दगड घालून खून केल्याची घटना सोमवारी (दि.११) सकाळी समोर आली होती.याप्रकरणी शिवाजी नगर पोलीस ठाण्यात गुन्हा नोंद करण्यात आला होता.अवघ्या २४ तासाच्या आत स्थानिक गुन्हे शाखेने याप्रकरणी आरोपीला अटक केली आहे.
प्रकाश गायकवाड (वय-३२ रा.न्यू भगवान इंग्लिश स्कुलच्या बाजूला कपिलमुनी नगर) असे मयत तरुणाचे नाव आहे.रविवारी रात्री प्रकाश आणि त्याचा मित्र महादेव शिंदे दारू पिण्यासाठी मोकळ्या मैदानात गेले होते.यावेळी या दोघांमध्ये दारूवरून वाद झाले.यानंतर महादेव शिंदे याने मैदानावरील दगड उचलून प्रकाश गायकवाडच्या डोक्यात घातला.यामध्ये त्याचा जागीच मृत्यु झाला.सोमवारी सकाळी ही घटना समोर आल्यानंतर एकच खळबळ उडाली.दरम्यान स्थानिक गुन्हे शाखेचे पोलीस निरीक्षक भारत राऊत यांनी आरोपीला अटक केल्याची माहिती दिली असून या प्रकरणाचा तपास अद्याप सुरु आहे.अवघ्या २४ तासाच्या आता पोलिसांनी आरोपीला अटक केली आहे.
हेही वाचा
