बीड-(प्रतिनिधी) माजलगाव शहरातील अशोक नगर भागात राहणाऱ्या एका व्यक्तीच्या घरात घुसून त्याच्या पोटात चाकु मारुन घरातील नगदी रक्कम व सोन्याची दागीने असे मिळून २ लाख, २ हजार रुपये लुटल्याची घटना दि.१२ जानेवारी रोजी घडली. दरम्यान या प्रकरणी चार जणाविरुद्ध माजलगाव शहर पोलिसात गुन्हा दाखल करण्यात आला आहे.
या प्रकरणी माहिती मिळाली आहे की, शेख आमेर शब्बीर रा. अशोक नगर, माजलगांव, यांनी माजलगांव शहर पोलीस ठाण्यात १५जानेवारी रोजी दिलेल्या फिर्यादी नुसार ते १० जानेवारी रोजीच्या रात्री यांच्या घरी असताना प्रकरणातील आरोपी शेख सोनु रिझवान, शेख मोनू रिझवान, अरमान मिझो, शायब मिर्झा सर्व राहणार, माजलगांव, हे संगनमत करून शे. अमेर यांच्या घरी आले. आणि त्यांनी शेख आमेर च्या पोटात चाकु मारुन गंभीर जखमी केले.त्यांच्या ओरडण्याचा आवाज ऐकून आरोपींना प्रतिकार करण्यासाठी आमेर यांची पत्नी त्यांच्या कडे येत असताना आरोपींनी त्यांना प्रतिबंध केला. व घरात असलेल्या कपाटातील नगदी रक्कम ७० हजार रुपये, ९० हजार रुपये किंमतीचे सोन्याचे गंठण, ४२हजार रुपये किंमतीचे कानातील डुले अश्या एकुण २ लाख, २ हजार रुपयांच्या ऐवजाची लुट केली. या प्रकरणी शे.आमेर यांच्या फिर्यादी बरून दि.१५ जानेवारी रोजी वरील नमुद नामे चार आरोपी विरोधात शहर पोलिसात भादवी कलम ३९७,४५२,३९४,३४अन्वये गुन्हा दाखल करण्यात आला आहे. पुढील प्रकरणाचा तपास पोलीस करत आहेत.
