बीड (प्रतिनिधी);- अज्ञात चोरट्यांनी घराचे कुलूप तोडून सोन्या-चांदीच्या दागिन्यासह रोकड असा एकुण 1 लाख 74 हजार रूपयांचा एैवज लुटून नेल्याची घटना दगडीशहाजानपुर येथे काल पहाटे उघडकीस आली. बीड तालुक्यातील दगडी शहाजानपुर येथील शुभम सुरेश गोरे यांच्या राहत्या घराचे कुलूप तोडून अज्ञात चोरट्यांनी 7 हजार रूपयांची रोकड आणि दागिने असा एकुण 1 लाख 74 हजार रूपयांचा मुद्देमाल लंपास केला. याप्रकरणी गोरे यांच्या फिर्यादीवरून बीड ग्रामीण पोलिस ठाण्यात गुन्हा दाखल झाला आहे.