बीड (प्रतिनिधी) - एका 35 वर्षीय तरूणाचा मृतदेह लिंबारूई (ता.बीड) येथील तलावात आज दुपारी आढळुन आला. सदरील तरूणाच्या अंगावर जखमा असल्याचे सांगण्यात येते. शवविच्छेदन अहवालानंतरच मृत्यूचे कारण स्पष्ट होणार असल्याचे सूत्रांकडून माहिती सांगण्यात येत आहे.
बीड तालुक्यातील पिंपळनेर हद्दीतील लिंबारूई येथील तलावात दिनेश श्रीमंत मते (वय 35, रा.शहाजानपुर लोणी) यांचा मृतदेह आढळुन आला आहे. मयत दिनेशच्या अंगावर जखमा आहेत. दुपारी उशिरा मृतदेह शवविच्छेदनासाठी जिल्हा रूग्णालयात पाठवण्यात आला होता. घटनास्थळी डीवायएसपी संतोष वाळके, एपीआय आघाव, पीएसआय ढाकणे, बहिरवाळ यांनी भेट दिली.