बीड: मागच्या १५ वर्षांपासून माध्यम क्षेत्रात कार्यरत असलेले नवनाथ बन यांनी रविवारी भाजपात प्रवेश केला. उपमुख्यमंत्री देवेंद्र फडणवीस आणि भाजप प्रदेशाध्यक्ष चंद्रशेखर बावनकुळे यांनी त्यांचे पक्षात स्वागत केले. नवनाथ बन यांच्यावर भाजपच्या माध्यम प्रमुखपदाची जबाबदारी टाकण्यात आली आहे. १५ वर्षांपासून नवनाथ बन हे माध्यम क्षेत्रात कार्यरत आहेत, यापूर्वी त्यांनी दैनिक गावकरी, मराठवाडा नेता, स्टार माझा, एबीपी माझामध्ये काम केलं आहे. नवनाथ बन हे मुळचे नांदेड जिल्ह्यातले. त्यांचे महाविद्यालयीन शिक्षण बीडला झाले. येथेच ते अभाविप चे सक्रिय कार्यकर्ते आणि पदाधिकारी राहिले. त्यानंतर ते माध्यम क्षेत्रात आले. आता त्यांनी भाजपात प्रवेश केला आहे.