नेकनूर दि.१३ (वार्ताहर)-बीड तालुक्यातील मुळुकवाडी भागात एका सिमेंट बंधाऱ्यात एक व्यक्तीचा मृतदेह आढळून आल्याची खळबळजनक घटना रविवारी (दि.१३) दुपारी उघडकीस आली.घटनास्थळी नेकनूर पोलिसांनी धाव घेतली होती. 

         नेकनूर पोलीस ठाणे हद्दीतील मुळुकवाडी (ता.बीड ) येथील भोसले वस्ती येथील सिमेंट बंधाऱ्यात सतीश रावसाहेब पोकळे (वय-५०) (रा.बेलगाव ता. आष्टी) यांचा मृतदेह आढळून आला. मृतदेह कुजलेल्या अवस्थेत असल्याने घटना घडून तीन-चार दिवस झाले असावेत असा अंदाज वर्तविण्यात येत आहे . मृतदेह आढळून येताच घटनेची माहिती नेकनूर पोलिसांना देण्यात आली.घटनास्थळी पोलीस निरीक्षक विलास जाधव यांनी कर्मचाऱ्यांसह घटनास्थळी दाखल झाले आहेत.मृतदेह शवविच्छेदनासाठी लिंबागणेश प्राथमिक आरोग्य केंद्रात पाठविण्यात आला.