बीड (प्रतिनिधी) - स्वीट होम - बेकरी मधुन केकसह अन्य पदार्थ खरेदी केल्यानंतर पैसे देण्यास नकार देत एका तरूणाने व्यापाऱ्यास दमदाटी करत मारहाण केली. एवढेच नव्हे तर काऊंटरची तोडफोड केल्याची घटना काल रात्री ९.३० च्या वाजण्याच्या सुमारास शहरातील कारंजा रोडवर घडली. या प्रकरणी अज्ञात तरूणाविरूध्द शहर पोलीस ठाण्यात गुन्हा दाखल करण्यात आला आहे . 

बीड शहरातील कारंजा रोडवरील खेताराम सोलंकी यांच्या मधुबन स्विट्स अॅण्ड बेकर्स या दुकानात काल रात्री अज्ञात तरुणाने धुडघूस घालत सोलंकी यांना मारहाण केली. काऊंटरच्या काचा फोडल्या या प्रकरणी खेताराम सोलंकी यांच्या फिर्यादीवरून शहर पोलीस  ठाण्यात अज्ञात तरूणाविरूध्द गुन्हा दाखल झाला आहे.