आधार कार्ड बनवणारी अथॉरिटी UIDAI लवकरच रुग्णालयांमध्ये नवजात बालकांना आधार कार्ड जारी करण्याची तयारी करत आहे. यासाठी लवकरच रुग्णालयांमध्ये नावनोंदणी सुरू करण्यात येणार आहे. जर सर्वकाही योजनेनुसार झाले, तर बाळाचे जन्म प्रमाणपत्र येण्यापूर्वी त्याच्याकडे आधार कार्ड असेल. जन्माचा दाखला मिळण्यासाठी एक महिना लागतो.

एएनआय या वृत्तसंस्थेशी बोलताना UIDAI चे सीईओ सौरभ गर्ग म्हणाले की, आम्ही नवजात बालकांना आधार क्रमांक देण्यासाठी बर्थ रजिस्ट्रार करार करण्याचा प्रयत्न करत आहोत. गर्ग यांनी सांगितले की, 99.7% प्रौढ लोकसंख्येला आधारचा समावेश करण्यात आला आहे. या अंतर्गत आतापर्यंत देशातील 131 कोटी लोकसंख्येची नोंदणी झाली आहे. आता नवजात बालकांची नोंदणी करण्याचा आमचा प्रयत्न आहे. ते म्हणाले की, दरवर्षी दोन ते अडीच कोटी मुले जन्माला येतात. आम्ही त्यांची आधार नोंदणी करण्याच्या प्रक्रियेत आहोत. बाळाच्या जन्माच्या वेळी त्याच्या/तिच्या फोटोवर क्लिक करून आधार कार्ड दिले जाईल.