बीड : बीड जिल्ह्यातील कोरोनाचा आकडा गुरुवारी आणखी चारने वाढला आहे. यात बीड शहरातील दोन तर केज तालुक्यातील दोन रुग्णांचा समावेश आहे.
बीड शहरात कोरोनाचा संसर्ग मोठ्या प्रमाणावर वाढण्याची शक्यता व्यक्त करत प्रशासनाने बीड शहर लॉकडाऊन केल्यानंतर गुरुवारी शहरात कोरोनाच्या दोन रुग्णांचे निदान झाले यातील एक आसेफनगर येथील असून दुसरा अजीजपुरा येथील आहे. मंगळवारी पॉझिटिव्ह आलेल्या एका रुग्णाच्या संपर्कात यातील एकजण आला होता तर दुसर्‍याला बाधा नेमकी कोठून झाली हे अजून स्पष्ट झालेले नाही.
दरम्यान केज तालुक्यातील भाटुंबा येथे औरंगाबदहून आलेल्या दोघांना कोरोनाची बाधा झाली आहे. यामुळे आता बीड जिल्ह्यातील कोरोनाच्या सक्रीय रुग्णांचा आकडा 14 वर गेला आहे.