परळी  दि.२६(प्रतिनिधी): शहरातील स्नेहनगर भागात मोकळ्या जागेत असलेल्या गाईंना डांबून त्यांची तस्करी करण्याच्या उद्देशाने घेऊन जाण्याचा प्रकार (दि.२५) शुक्रवार रोजी साधारण रात्री दोनच्या सूमारास हा प्रकार घडला (Parali) असुन या गाईंना गुंगीच्या गोळ्या खाऊ घालण्यात आल्याचेही पुढे आले आहे. दरम्यान याप्रकरणी आता स्नेहनगर मधील नागरिक संतप्त झाले असून संबंधित प्रकरणी दोषींवर कारवाई करण्याची मागणी  केली आहे.

  परळी शहरातील स्नेहनगर या भागात (Cow Smuggling)  मध्यरात्री दोन वाजल्यानंतर एक झायलो गाडी या भागात फिरत असताना दिसून आली. मोकळ्या मैदानात काही लोक या गाडीतून उतरले. त्‍यांनी चार गाईंना गुंगीच्या गोळ्या खाऊ घातल्याचे पुढे आले आहे. गुंगी येऊन या गाई खाली जमिनीवर कोसळल्यानंतर या गाई या 'झायलो' गाडीत डांबून टाकत असताना याच भागातील एका महिलेच्या ही बाब लक्षात आली. त्यानंतर काही लोक(Parali) जमा होत असल्याचे दिसताच या गाडीतून उतरलेल्या लोकांनी तिथून पळ काढला. यानंतर स्नेहनगर मधील शेकडो नागरिक पोलीस ठाण्यात जमा झाले. गोवंश व गोमातेचे अशा पद्धतीने अमानुषरित्या गुंगीच्या गोळ्या देणे व तस्करीच्या उद्देशाने त्यांना घेऊन जाणे हा चीड व संताप आणणारा प्रकार असल्याचे या नागरिकांनी सांगितले. या प्रकरणाचा सखोल तपास करून दोषींवर गुन्हा दाखल करून कठोर शासन करावे अशी मागणी या नागरिकांनी केली आहे. दरम्यान पोलीस याबाबत सखोल तपास करत असुन हा सर्व प्रकार सीसीटीव्ही कॅमेऱ्यात कैद झाला असल्याचीही माहिती आहे.गुन्हा दाखल करण्याची प्रक्रिया सुरु आहे.