परळी दि.८(प्रतिनिधी): परळी (Parli) शहरातून आपल्या मूळ गावी मांडेखेलकडे निघालेल्या सुधाकर हिरामण नागरगोजे (वय ४०) या दुचाकीवरील शेतकऱ्याचा उभ्या ट्रकला धडकून अपघातात मृत्यु झाला. ही घटना सोमवार (दि.७)रोजी रात्री ८ वाजण्याच्या सुमारास टोकवाडी(Accident) रस्त्यावरील अभियांत्रिकी महाविद्यालयाजवळ घडली.

सुधाकर नागरगोजे हे दुचाकीवरून मांडेखेलकडे(Parli) जात असताना टोकवाडी(Accident) रस्त्यालगत उभ्या असलेल्या ट्रकला त्यांची दुचाकी धडकली. या भीषण अपघातात त्यांचा जागीच मृत्यु झाला, अशी माहिती परळी ग्रामीण (Parli police) पोलिसांनी दिली.मंगळवार (दि.८)रोजी सकाळी उपजिल्हा रुग्णालयात शवविच्छेदन करण्यात आले. त्यानंतर मांडेखेल येथे त्यांच्या पार्थिवावर अंत्यसंस्कार करण्यात आले. घटनेची माहिती मिळताच परळी ग्रामीण पोलीस ठाण्याचे पोलीस निरीक्षक मजहर सय्यद, पोलीस अमलदार सुनील अन्नमवार व परतवाड यांनी घटनास्थळी धाव घेतली. पोलिसांनी अपघातस्थळी उपस्थित ट्रक व मोटारसायकल(Beed) ताब्यात घेतली आहे. मंगळवारी दुपारपर्यंत या प्रकरणी गुन्हा दाखल झालेला नव्हता.