बीड : शहरातील पेठ बीड भागात अज्ञातांनी डोक्यात चिरा घालून खून केल्याची घटना रात्री उशीरा उघडकीस आली . घटनास्थळी पेठ बीड पोलिसांनी धाव घेत पंचनामा केला. अज्ञात व्यक्तीविरूध्द गुन्हा दाखल करण्यात आला आहे. या संदर्भात पेठ बीड पोलिस अधिक तपास करीत आहेत.
अधिक माहिती अशी कि,शहरातील पेठ बीड भागात टपरीवरुन पुडी आण म्हणले असता पुडी न आणल्याने गुंड प्रवृत्तीच्या आरोपीने डोक्यात चिरा घालून खून केला. ही घटना शहरातील पेठ बीड पोलीस ठाण्याच्या हाकेच्या अंतरावर सुभाष कॉलनी येथे घडली आहे. घटनास्थळी पोलीस उपाधीक्षक विश्‍वांभर गोल्डे यांनी भेट दिली. सध्या सर्वत्र दिवाळीची धामधूम सुरू असून, सर्वत्र दिवाळीचा उत्साह आणि आनंद साजरा केला जात आहे. या आनंदाच्या क्षणाला बीडमध्ये खूनाच्या घटनेने गालबोट लागले आहे. चंद्रकांत आश्रुबा जाधव ( वय ५५ वर्ष ) रा.पेठ बीड असे मयताचे नाव आहे. रात्री १२:४५ वाजण्याच्या सुमारास अज्ञात आरोपीने डोक्यात चिरा घालून खून केल्याची घटना घडली आहे. हा प्रकार सकाळी उघडकीस येताच शहरात खळबळ उडाली आहे.
