बीड दि.०७ (प्रतिनिधी)- शहरालगत असणाऱ्या इमापुर रोडवर काल रात्री ८ च्या सुमारास एका ४२ वर्षीय इसमाला चार ते पाच जणांच्या टोळक्याने रस्ता अडवून लुटण्याचा प्रकार घडला. या प्रकरणों ग्रामीण पोलीस ठाण्यात गुन्ह्याची नोंद करण्यात आली आहे.
नारायण दिगांबर पुरी (रा.बांगी ता.जि. बीड) हे काल रात्री ८ च्या सुमारास इमामपुर रोडवरील बायपासने जात असतांना खडी क्रेशरसमोर आरोपी शेख सलमान शेख रशिद, पठाण अरफान फेरोज (दोघे रा. गांधी नगर) यांच्यासह तीन ते चार अनोळखी आरोपींनी पुरी यांना रस्त्यावर अडवून त्यांच्या खिशातील मोबाईल व
त्यांच्याकडील असलेली दुचाकी लुना क्र.एम.एच.२३. एक्यू. ८२४० याची गाडी बळजबरीने हिसकावून घेत चापटीने मारहाण केली. या प्रकरणी ग्रामीण पोलीस ठाण्यात गुन्ह्याची नोंद करण्यात आली आहे. आरोपींना पेठ बीड पोलीसांनी अटक करत ग्रामीण पोलीसांच्या स्वाधीन केले.