बीड दि.२९ (प्रतिनिधी)- शहरातील बार्शी नाका परिसरात असलेल्या महाराष्ट्र स्प्रे पेंटिंग कलरहोम या दुकानाला आज (दि.२९) रोजी सकाळी सहाच्या सुमारास आग लागून आतील सर्व साहित्य जळून खाक झाले आहे. यामध्ये ४ लाखांपेक्षा जास्त नुकसान झाल्याचा अंदाज व्यक्त केला जात आहे.
बार्शी नाका परिसरातील बार्शी रोड वरील दूध डेअरी जवळ असलेल्या मोमीन मुस्किम यांचे महाराष्ट्र स्प्रे पेंटिंग कलरहोम या दुकानाला आज (दि.२९) रोजी सकाळी ६ वाजण्याच्या सुमारास आग लागल्याचे निदर्शनास आले. यावेळी आग विझविण्याचा स्थानिक नागरिकांनी प्रयत्न केला पण आग आटोक्यात आली नाही. यामध्ये आतील कलरच्या बकेट,साहित्य जळून खाक झाले. यामध्ये ४ लाखांपेक्षा जास्त आर्थिक नुकसान झाल्याची भीती व्यक्त केली जात आहे. सदरील आग शॉर्ट सर्किटमुळे लागली असावी असा प्राथमिक अंदाज आहे. सुदैवाने दुसऱ्या दुकानांना आग न लागल्याने मोठे नुकसान टळले आहे.
