बीड दि.१७ (प्रतिनिधी)- बीड शहरासह जिल्हाभरात चोरांचे प्रमाण वाढले आहे .त्यातच मोटार सायकल चोर्‍या जास्त प्रमाणात होवू लागल्यात . गंगाखेड तालुक्यातील एक व्यक्ती शुगरची गोळी खाण्यासाठी थांबला असता. तेवढ्या वेळात अज्ञात चोरट्यांनी सदरील व्यक्तीची मोटार सायकल पळवल्याची घटना वरवटी फाटा येथे घडली आहे.

                            अधिक माहिती अशी कि, लायक अंबीरसाब शेख (वय ४४ , रा.पांगरी ता.गंगाखेड जि.परभणी, ह.मु.लातुर मुस्तफा कॉलनी) हे कामा निमित्त वरवटी फाटा मार्गे प्रवास करत होते. ते आपली मोटार सायकल क्र.एम.एच.२२ बी.एच ९१३८ यावर जात होते. शुगरची गोळी खाण्यासाठी ते वरवटी फाटा येथे थांबले होते. तेवढ्या वेळातच अज्ञात चोरट्यांनी त्यांची मोटार सायकल पळवून नेली. या प्रकरणी अंबाजोगाई ग्रामीण पोलिसात गुन्हा दाखल करण्यात आला आहे.