बीड - शहरातील आदित्य इंजीनियरिंग कॉलेजमध्ये परीक्षेसाठी गेलेल्या विद्यार्थ्याची मोटारसायकल अज्ञात चोरटचाने चोरून नेल्या प्रकरणी विद्यार्थ्याने दिलेल्या तक्रारीनुसार पेठ बीड पोलीस ठाणे येथे गुन्हा नोंद झाला आहे. रोहन लहू चव्हाण वय २० वर्षे हा विद्यार्थी परीक्षा देण्यासाठी शहरातील आदित्य इंजीनियरिंग कॉलेज बीड येथे गेला असता

दुपारी दोन ते पाच दरम्यान अज्ञात चोरट्याने त्याची मोटरसायकल क्रमांक एम.एच.४२ ए.जी. ८८ ६४ ही चोरीस गेल्याची परीक्षा संपल्यानंतर बाहेर  आल्यानंतर विद्यार्थ्याच्या लक्षात आल्याने त्याने पेठ बीड पोलीस ठाणे येथे धाव घेऊन मोटरसायकल चोरी गेल्याची तक्रार नोंदविली असून अज्ञात चोरट्याविरुद्ध गुन्हा दाखल करण्यात आला आहे. पुढील तपास पोलीस नाईक सोनवणे करीत आहे