बीड दि.२८ (प्रतिनिधी)-भरधाव कारने समोरासमोर धडक दिल्याने दुचाकीवरील दोन तरुण जागीच ठार झाले. ही धक्कादायक घटना बीड-परळी मार्गावरील मौज येथे रविवारी (दि.२८) दुपारी दोन वाजेच्या सुमारास घडली.

पोलिसांच्या माहितीनुसार, दुचाकी (एमएच ४४ ई- ९८५२) वरुन कृष्णा सत्यप्रेम बादाडे (वय-३० रा.शाहाजानपूर),रामकृष्ण भगवान बादाडे (वय-४०रा.शाहाजानपूर) बीडहून वडवणीकडे जात होते.तर कार (एमएच ०४ जीडी- ४६०५ ) वडवणीहून बीडकडे जात होती. मौज शिवारात दोन्ही वाहनांची समोरासमोर धडक झाली. यात दुचाकीवरील कृष्णा बादाडे व रामकृष्ण बादाडे यांचा जागीच मृत्यु झाला.दरम्यान या अपघातात दुचाकीचा चक्काचूर झाला असून कारचेही नुकसान झाले.अपघातानंतर स्थानिकांनी मदतीसाठी धाव घेतली होती. कारचालक जखमी असून त्याला बीड येथे खासगी दवाखान्यात दाखल केले आहे.