परळी वै.ता.२ (प्रतिनिधी) - शहरालगत असलेल्या अयोध्या नगर येथे घरात कोणी नसल्याची संधी साधुन चोरट्यांनी एक लाख त्र्येपन्न हजार रूपयाचा ऐवज चरूण नेला आहे. ही घटणा शनिवारी (ता.२) सकाळी निष्पन्न झाली.
जिरेवाडी रोडवर असलेल्या अयोध्या नगर येथील प्रदिप देवराव दराडे (वय-२९) यांचे घर आहे. मागील दोन दिवस घरी कुणीच नव्हते. घराला कुलुप असल्याची संधी साधत चोरटयांनी गेस कटरच्या सहाय्याने कुलुप व कोंडा तोडुण घरात प्रवेश करूण घरातील सर्व सामान अस्तव्यस्त करूण दोन कपाट तोडुन त्यातील साहीत्य लंपास केले. चोरटयांनी सोने व नगदी रोख रकमेसह पितळेचे भांडे चोरूण नेले आहेत. दराडे यांच्या घरातुन अज्ञात चोरट्यांनी तीन तोळे वजनाचे पट्टा गंठण, पाच ग्रॅम वजणाची सोन्याची अंगठी, दोन ग्रॅम वजनाचे कानातली सोन्याची बाली, तांबा पितळेची दोन घागरी व तीन भांडी व नगदी २८ हजार असे एकुण १ लाख ५३ हजार रुपयाचा मुद्देमाल चोरून नेला.
या प्रकरणी प्रदिप देवराव दराडे यांच्या फिर्यादीवरून शहर पोलीस ठाण्यात गु.रं.न १४६/२०२२ कलम ३८०, ४५४, ४५७ भादवीनुसार अज्ञात चोरट्याविरुद्ध गुन्हा दाखल करण्यात आला असून घटनास्थळी विभागीय पोलीस अधिकारी सुनील जायभाये शहर पोलीस ठाण्याचे पोलीस निरीक्षक उमाकांत कस्तुरे यांनी भेटी दिल्या. या प्रकरणी पुढील तपास ठाण्याचे सपोनि सपकाळ हे करीत आहेत.
