अशोक शिंदे 
नेकनूर-धुळे-सोलापूर राष्ट्रीय महामार्गावर आज (दि.२०) दुपारी ४ च्या सुमारास एका धावत्या ट्रकने पेट घेतल्याने महामार्गावर 'द बर्निंग ट्रक'चा थरार पाहायला मिळाला.या रस्त्यावरून जाणाऱ्या वाहनांची या ठिकाणी मोठी गर्दी झाली होती.दरम्यान या आगीमध्ये ट्रक जळाला असून सुदैवाने कोणतीही जीवितहानी झाली नाही.

राष्ट्रीय महामार्ग क्रमांक ५२ धुळे -सोलापुरवरील लेनवरील मांजरसुंबा हद्दीतील मोरगाव शिवारात कोंबडीचे खाद्य घेऊन सोलापूरकडे जाणार ट्रक (क्र.AP 39 T 5786) अचानक पेटला.यामध्ये ट्रकमधील माल पूर्ण जळाला असून सुदैवाने कोणतीही जीवितहानी झाली नाही.सध्या घटनास्थळी पोलीस उपनिरीक्षक श्री.घोडके हे असून अग्निशामक दलही आग विझविण्यासाठी दाखल झाले आहे.