केज दि.२३ - धनेगाव ( ता. केज ) येथील मेसाई देवी मंदिराच्या परिसरात शिंदे यांच्या शेताच्या बुडीत क्षेत्रात भरत ज्योतिराम निकम ( रा. युसूफवडगाव ता. केज ) या गृहरक्षक दलातील जवानाचे प्रेत सडलेल्या अवस्थेत उसाच्या शेतात सापडले आहे.

    भरत निकम हे १९ फेब्रुवारी पासून बेपत्ता होते. या बाबत युसूफवडगाव पोलीस ठाण्यात आकस्मिक मृत्यूची नोंद झाली असून युसूफवडगाव येथील प्राथमिक आरोग्य केंद्रात शविच्छेदन करण्यात आले असल्याची माहिती स.पो.नि. डॉ. संदीप दहीफळे यांनी दिली आहे. त्यांच्या पश्चात पत्नी, दोन मुली, एक मुलगा असा परिवार आहे.