बीड : बीड जिल्ह्यातील ५ नगरपंचायतींच्या निवडणुकांचा निकाल जाहीर झाला असून केज नगरपंचायतीमध्ये हारून इनामदार यांनी  ' परिवर्तन ' घडविले असून येथील पाटील गटाच्या सत्तेला सुरुंग लागला आहे. तर आष्टी मतदारसंघातील आष्टी, पाटोदा , शिरूर या तिन्ही नगरपंचायतींवर आ. सुरेश धस यांचेच वर्चस्व सिद्ध झाले आहे. अत्यंत अटीतटीच्या झालेल्या वडवणी नगरपंचातीमध्ये काट्याची टक्कर असून १७ पैकी ९ जागा राखत राजाभाऊ मुंडे यांनी नगरपंचायत ताब्यात ठेवण्यात यश मिळविले आहे. याठिकाणी राष्ट्रवादीला ८ जागा मिळालाय आहेत.