बीड-शिवसेनेचे जिल्हासचिव तथा माजी मंत्री जयदत्त क्षीरसागर यांचे खंदेसमर्थक वैजिनाथ तांदळे शिवसेनेला जय महाराष्ट्र करून उद्या राष्ट्रवादी काँग्रेसमध्ये प्रवेश करणार आहेत. आ.संदीप क्षीरसागर यांच्या नेतृत्वाखाली राष्ट्रवादी भवनात उद्या सकाळी होणाऱ्या कार्यक्रमात ते राष्ट्रवादीचे घड्याळ हाती बांधणार आहेत.
नवगण राजुरी सर्कलमधील जेष्ठ नेते आणि वंजारवाडी ग्रामपंचायतवर अनेक वर्षांपासुन एकहाती कमांड असलेले शिवसेनेचे जिल्हासचिव वैजिनाथ तांदळे उद्या दि.६ डिसेंबर रोजी सकाळी बीड येथील राष्ट्रवादी भवनात आ. संदीप क्षीरसागर यांच्या नेतृत्वाखाली राष्ट्रवादीत प्रवेश करणार असल्याची माहिती आ. संदीप क्षीरसागर यांच्या कार्यालयाकडून देण्यात आली आहे. दरम्यान वैजिनाथ तांदळे यांचे राजुरी सर्कलमध्ये मोठे वर्चस्व आहे. त्यांना मानणारा मोठा वर्ग असुन गेल्या जिल्हा परिषद निवडणुकीत त्यांनी जयदत्त क्षीरसागर गटाकडून निवडणुक लढविली होती. आ. संदीप क्षीरसागरांनी वैजिनाथ तांदळे यांच्या रूपाने मोहरा टिपला आहे.
